Pagsusuring Pelikula: Ded na si lolo

Ang istorya ay umiikot lamang sa limang magkakapatid na nagluluksa dahil sa pagkamatay ng kanilang pinakamamahal na tatay na si Lolo Juanito. Itong pelikulang ito ay nagpapakita ng pagiging mapamahiin ng mga Pilipino. Ito ay may halong katatawanan at sabay narin nito ang mga aral na iyong matututunan. Ito ay may magandang hatid para sa atin. Ang mga tauhan ay nagbibigay ng iba’t ibang katangian ng bawat isa sa atin. Sila ang nagsisilbing halimbawa para sa bawat Pilipino.

Ang kwentong ito ay nagsimula nung maga habang naghahanda si Charing ng kanyan umagahan para sa kanyang mga anak at sa kanyang mahal na asawa. Sila ay nagulat ng biglang may kumatok sa kanilang pintuan. Pagbukas ng kanilangn pintuan ay may bumulaga sa kanilang masamang balita, iyon ay nalaman nila na nagpaalam na ang kanilang ama/lolo. Si charing ay agarang nagpunta duon para masilayan ang kanyang namatay na ama. Sinama niya ang kanyang pamilya. Nang makarating siya ay nakita niya ang iba pa niyang kap[atid. Sila lahat ay nagiyakan dahil sa sama na loob na kanilang nararamdaman. Sino nga naman ang di malulungkot kapag pumanaw na ang isa sa pinakamamahal mo sa buhay, syempre walang ganon kamanhid.

Habang nasa libing ng kanilang ama ay madaming nanyaring di inaasahan. Una sa lahat ay ang pag babangayan ng dalawang magkapatid dahil sa inggitan, pangalawa naman ay ang naman nila na ang kanilang ama ay may unang asawa at meron ding anak. Sa paglalabas ng katotohanan na ito ay naliwanagan sila lahat. Lalong lalo na si Dolores, dahil siya ay may napakalaking tampo sa kanyang pinakamamahal na ama. Ang kwento ay napaka makulay dahil sa mga aral at tradisyon na nakapaloob dito.

I.          Pagsusuri

a.      Tradisyon

            Ang Mga Pilipino ay may mga tradisyon na kinalakihan na nila. Ang pinapakitang tradisyon sa pelikulang ito ay ang pagiging  ma-pamahiin ng mga Pilipino. Marami parin kasi satin ang naniniwala sa mga sinasabi ng ating  mga ninuno at ito’y ginagawa o pinaniniwalaan parin nila hanggang ngayon. Ang mga ito kasi ay nakapaloob na sa pagiging Pilipino natin kung baga ito na talaga ang nakasanayan. Nasasayo nalang kung maniniwala ka din o itutuloy mo din ang mga tradisyon. Nakakatuwa ding isipin dahil napaka malikhain talaga ng ating mga ninuno. Saka nakakapag taka din kung saan nila ito nakuha at kung pano nila ito nalaman.

b.       Pamahiin

Pamahiin	Kahulugan
1.      Bawal ang pagsusuot ng kulay pula na damit sa patay.	-          Masyadong matingkad ang kulay na ito at ito ay nagsisimbolong Masaya.
2.      Lagyan ng pera ang kamay ng patay.	-          Ito daw ay pampaswerte.
3.      Bawal maglinis kapag may patay.	-          Tinataboy daw kasi nito ang patay.
4.      Bawal tuluan ng luha ang kabaong ng patay.	-          Pagnagkataon daw ay mamalasin ka.
5.      Bawal maligo sa bahay na kung saan nakaburol ang patay.	-          Nanalasin at dadalawin ng patay.
6.      Maglagay ng sisiw ang ibabaw ng ataol kapag siya ay napatay.	-          Para daw mahuli o matukoy ang may sala o may kagagawan ng kanyang pagkamatay.
7.      Bawal maghatid ng bisita ang sino mang kamag anak ng patay.	-          Baka daw may susunod na mamamatay.
8.      Dapat daw ihakbang ang mga bata sa ibabaw ng nitso ng patay kapag ililibing na ito.	-          Para hindi sila dalawin at para walang manyari sa kanilang masama.
9.      Lagyan ng rosaryo ang palad ng patay tapos putulin o guntingin ito.	-          Para madali itong makapunta sa langit.
10.  Bawal magpasalamat sa mga dumadalaw o nagbibigay ng tulong.	-          Baka daw masundan pa ang burol.
11.  Bawal magtira o maguwi ng pagkain galing sa burol ng patay.	-          Baka daw ikaw ang susunod na lalamayan.
12.  Bawal dumiretso agad sa bahay, dumaan muna o magpalipas sa ibang lugar.	-          Baka ka daw sundan ng kaluluwa nito at baka ikaw na daw ang susunod na kukunin.
13.  Magbasag ng palayok pagkakuha ng ataol.	-          Para matangal ang mga malas.
14.  Kumutan ng kahit anong pulang tela ang mga bata.	-          Para did aw sila dalawin.
15.  Mag hulog ng pera habang nilalakad na ang patay papuntang sementeryo.	-          Para daw yumaman o di kaya ay biyayaan ng pera.
16.  Wag maglagay ng kahit ano mang matutulis na bagay sa patay maging sa kanyang kabaong.	-          Baka daw mag mumulto at hindi ito mananahimik habangbuhay.
17.  Bawal daw ang buntis.	-          Mahihirapan daw manganak ang buntis kapag dumalaw.
Bawal umiyak sa kabaon ng patay	-          Kasi daw ay may susunod.
Bawal nakasapatos ang patay	-          Hindi daw makakaalis at baka daw bumalik balik ito.

c.       Implikasyon

1)      Sa sarili

Namulat ako sa mga nakita ko dito. Napaka dami pala nating mga pamahiin na ngayon ko lang nalaman. Siguro kung titignan ko base saking nakikita ay ipagpapatuloy ko ito kahit na mukha itong walang kinakalabasan, pero naniniwala parin ako dito dahil ito ay galling sa ating mga ninuno. Kung baga ito ay isang tradisyon na dapat ipagpatuloy. Sa totoo lang may nagagawa din itong mga mabuti satin. Isa na dito ay ginagawa nito tayong masunurin sa pamamagitan ng pagsunod sa mga pamahiin na ito kahit na di talaga natin alam ang kakalabasan nito sa huli. Ako kasi minsan naniniwala ako dito, halimbawa nalang ay pag nangangati man ang aking palad ay kaagad ko itong nilalagay sa akin bulsa. Nakakahiya man sabihin pero ganon talaga tayong mga Pilipino, hindi lang pag may namatayan kundi narin sa pang araw araw natin ginagawa.

2)   Lipunan

Ang lipunan natin ay napakamulat sa mga pamahiin. Ang mga pamahiin ay patuloy parin nabubuhay sa mga tao. Pero sa tingin ko ay tuluyan na itong nabubura, katulad nga ng sabi ni ma’am madami kasing nauusong iba sa ngayon kaya nawawala na ang mga ito sa ngayon. Pero sana naman ay may matira parin. Kasi ito ay mga pamana narin sa atin ng mga ninuno natin. Ito ay napakahalaga sa kanila kasi ito ay natatangi. Maswerte nga tayong mga Pilipino dahil may ganito tayo. Sa ibang bansa kasi ay madalang lang. Malaki din ang epekto nito sa ating bansa. May mga masama at meron din naming mabubuti. Ang mga mabubuti ay mas nagiging masunurin tayo at mas napapahalagahan natin ang mga ito at ang masama naman ay minsan mas pinaniniwalaan natin ito kaysa sa diyos. Kaya wag natin kalimutan na andyan lang ang panginoon para sa atin. Sa kanya dapat tayo maniwala ng lubos.